منتديات قمه الجبل
عزيزٍي زآئرٍ منتديآُت قمه الجبل
نرٍحـب بك بالآبدآع والتميزٍ بين اقلام جآدة تستعد
لنثر كل مآ يفيد بالمعلومآت والموآضيع
الحصرٍيه ويسعدنآ ويشرفنآ انضمآمك الى اسرتنا




شاطر | 
 

 الشاعر خلف المشعان (من قبائل عنزه الكريمه)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو عبدالله المضياني
avatar


مشرف الشيلات العام

مشرف الشيلات العام
معلوماتاضافية
رقم العضويه : 65
ذكر
عدد المساهمات : 60
تاريخ التسجيل : 19/10/2011
العمل/الترفيه : الهجوله

مُساهمةموضوع: الشاعر خلف المشعان (من قبائل عنزه الكريمه)   الجمعة نوفمبر 04, 2011 9:30 pm

مادمت تنشد يارفيقي .. عن الحال
........................ مالي على .. كتمانها عنك .. حيله

الصبر عن بوح الاحاسيس .. قتال
........................ والبوح في بعض المواقف ، فشيله

لو كل مايطري على البال ينقال
.......................... ماكان شفت ان الثقيله .... ثقيله

ابطيت اكافح ضيقة البال بالبال
...................... . وادفع بلا .. هاجوسها كل .. ليله

لين اقبلت مثل .. السحابه بهمال
........................ تشفي غليل اللي .. تزايد غليـله

طاحت ، ولاْوفق من حناياك منزال
..................... وابطلبك .. يابدر ( تكمى ) المخيله

ان قيل ترعد .. قلهم : صوت زلزال
.................. وان قيل تبرق .. شف لها ادناة حيله

مابي .. تناقلها هل القيل والقال
..................... .. وتصير من بعد القصيره .. طويله
يابدر .. !!
يابدر .. ماني عال .. لو صحتي عال
.................... .. شفني من الصدمات نفسي عليله

اشيل حملٍ .. لو يشيلنه .. جبال
..................... .. الله ، وامانه .. غير تصبح نثيله

أرمي .. من هموم الزمن .. واسحب أدبال
................. وانزل عن ( الجوكر ) وغيري يشيله

من كثر ماشفت بحياتي من انذال ....!!
...................... .. بديت اشك ان النذاله ... فضيله

ماطاح من عيني رجل ..!! طاحوا .. رجال
................. .. ورجال ( يابن حنيف ) ماهي قليله

اقرب من اللي قالهم ضمن ماقال .. :
..................... راكان بن حثلين .. راعي الجزيله

( هذا .. ولد عمٍ ، وهذا .. ولد خال
.......................... وهذا .. رفيقٍ مالقينا .. بديله )

سبحان منهو يابد غيّر الحال ..!!
.................... .. وحط الجفا بين الخليل .. وخليله
هذا الزمن يبغاله .. لسان دلاّل .. !
................. .. من يستحي هالوقت .. واعزتي له

وقتٍ به ( الراعي ) غدى .. راعي دلال
................. .. كلٍ على طاريه .. ينفض شليله ..!!

ومن كان ساسه للردى مضرب امثال
................. .. اليوم .. يحسب من كبار القبيله ..!!
المال ..!!
المال .. يابن حنيف ملعون .. ابو المال
................. // .. ذل العزيز .. وعز .. ناسٍ ذليله ...!!


مع تحيات ابـــــــــــــــــــــــو عـــــــــــــــــــــــبـــــــــــــــــــــــدالـــــــــــــــــــــلـــــــــــــــــــــه
الرجوع الى أعلى الصفحة اذهب الى الأسفل
 

الشاعر خلف المشعان (من قبائل عنزه الكريمه)

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قمه الجبل  :: قمة المنتديات الادبيه :: شيلات وقصائد-