انواع الرجال(( خلف المشعان))


ياكثرهم .. لا قلت لك .. عرفة وجيه=وياقلهم .. لا قلت .. قـدر ومعـزه

رجلٍ .. تعزه بعد ماتلتقـي .. فيـه = ورجلٍ .. قبل ماتلتقي بـه .. تعـزه

ورجلٍ .. ترزه بالمجالـس مباديـه = ورجلٍ .. فلوسه بالمجالـس تـرزه

ورجلٍ .. يموت ولا يجيبون طاريـه = ورجل ٍ .. يجي طاريه في كل حـزه

ورجلٍ يهزه .. بعض موقف ويشقيه = ورجلٍ .. مهوب أيّات موقف يهـزه

ورجلٍ .. ضعيف .. ويستفزه معاديه = ورجلٍ .. كلام اعداه مايستفـزه

ورجلٍ .. تلزه يعترف لك .. بخافيه = ورجلٍ .. على خافيه .. محدٍ يلـزه

ورجلٍ .. يوزونه .. ويزعل بنيخيـه = ورجلٍ .. يزعّل من يحاول ، يـوزه

ورجلٍ تكزه لا زم انك توصيه = ورجلٍ .. بليّا ما توصيـه .. كـزه

من لا فرش للمرجله ماتغطيه = ومن لايخز .. الناس .. محدٍ يخـزه

ان كنت تعرفني فهي .. عرفة وجيه = مو شرط لك بالقلب قدر .. ومعـزه




مع تحيات ابــــــــــــــــو عــــــــــــــــــبـــــــــــــــــــد الـــــــــــــــــــلــــــــــــــــه