منتديات قمه الجبل
عزيزٍي زآئرٍ منتديآُت قمه الجبل
نرٍحـب بك بالآبدآع والتميزٍ بين اقلام جآدة تستعد
لنثر كل مآ يفيد بالمعلومآت والموآضيع
الحصرٍيه ويسعدنآ ويشرفنآ انضمآمك الى اسرتنا

منتديات قمه الجبل
عزيزٍي زآئرٍ منتديآُت قمه الجبل
نرٍحـب بك بالآبدآع والتميزٍ بين اقلام جآدة تستعد
لنثر كل مآ يفيد بالمعلومآت والموآضيع
الحصرٍيه ويسعدنآ ويشرفنآ انضمآمك الى اسرتنا




شاطر
 

 قصيدة الشاعر الملازم (مشعل الحارثي)

استعرض الموضوع التالي استعرض الموضوع السابق اذهب الى الأسفل 
كاتب الموضوعرسالة
ابو عبدالله المضياني
ابو عبدالله المضياني


مشرف الشيلات العام

مشرف الشيلات العام
معلوماتاضافية
رقم العضويه : 65
ذكر
عدد المساهمات : 60
تاريخ التسجيل : 19/10/2011
العمل/الترفيه : الهجوله

قصيدة الشاعر الملازم (مشعل الحارثي) Empty
مُساهمةموضوع: قصيدة الشاعر الملازم (مشعل الحارثي)   قصيدة الشاعر الملازم (مشعل الحارثي) I_icon_minitimeالأحد ديسمبر 04, 2011 12:27 pm



خل النياح وفـارق العـش ياطيـر
غرد وهز الريش فـي كـل عالـي

اليـوم هـذا غيـر وأيامنـا غيـر
والبارحة ماهـي سـوات الليالـي

الأرض صارت في عيوني نواويـر
والبدر تـم وجـا مكـان الهلالـي

وأبها تحدت فـي بهاهـا الغناديـر
فلـت جدايلهـا وقامـت تـلالـي

وفي وجه خالد للفرح الـف تعبيـر
وحجاج فيصل فيـه كـل أبتهالـي

من السعاده باقـي شـوي ونطيـر
عزالله أن اللـي لفـا الـدار غالـي

يامرحبـا مـاغـردن العصافـيـر
مرحبـا مـازاف نبـت الرمـالـي

ترحيبٍ أحلى من حليب المصاغيـر
وضحٍ رعت روضٍ ربيـعٍ وخالـي

ياللي شكت رجله طوال المشاويـر
ياطـا بهـا درب الخطـر مايبالـي

قرت عيـون اللـي يحبـون ياميـر
طاريك.. وإلا الحين شفتـه قبالـي

ياما حسبت الوقت حسـب الدنانيـر
أسامـر نجـوم الثـريـا لحـالـي

مبطي وانا أسمع فيك وصف البياطير
واليوم جالي في القصيـدة مجالـي

ياسيـدي مـال القوافـي معـاذيـر
عـن البيـوت الوافيـات الجزالـي

من لاجعـل للمـدح قيمـة وتقديـر
ماظنتـي يلفـت ذهـون الرجالـي

وأنت الذي معك سحـاب المزابيـر
تمشـي ويتبعـك الحيـا والخيالـي

وأنت الذي بأسمك تبـاح الأساريـر
مثلك له أسمـاء عـراضٍ طوالـي

سلطان ياسلطان من يومـك صغيـر
مافي تسلطانك وشخصـك جدالـي

كانوا ولا زالـوا يسمونـك الخيـر
وياكثر السماء اللي تزاحـم فبالـي

كريم سبـلا إلا زبـون المخاسيـر
طلـق الحجـاج إلا بعيـد المدالـي

درع البـلاد إلا طويـل الأشابيـر
أبـو اليتيـم إلا عشيـق المعـالـي

لاوالله لبن مسطـر المجـد تسطيـر
على حصى الأرض ونفود الرمالي

واخو فهـد ذروة سنـام المشاهيـر
صفوة ملوك الأرض بـأول وتالـي

فهد ولا قلنـا فهـد جـاوب النيـر
تهتـز لإسمـه راسيـات الجبالـي

زعيمنا اللي للعـلا واصـل السيـر
حتـى تعلينـا علـى كـل عـالـي

مال الطموح بوسط رأسـه معاييـر
ولا للعوج عنـده ياكـود اعتدالـي

اليا زعل تزعـل ملـوك وجماهيـر
واليا رضا ينهـي جميـع الجدالـي

مايشبـه غيـر الثنيـن المناعـيـر
أنته وأبـو متعـب كريـم السبالـي

عبد الله اللي فيه من سالـم الزيـر
خطل اليمين الليـث حـام التوالـي

سقم العدو اليـا هـرج دون تفكيـر
رده على العـدوان جاهـز وحالـي

نفخـر بكـم وإلا القصايـد تعابيـر
ياشيوخ نجد الشعـب كلـه موالـي

والله لوفيكـم عـن الملـك تقصيـر
ماخصكـم ربـي عزيـز الجلالـي

منـا وفينـا مالفيـتـوا مـداويـر
حكامنـا وقـت الدهـور الهزالـي

ورث الجدود أمن الليال المعاسيـر
قبل القصور وقبل صرف الريالـي

هاك الزمان سلاحنـا حملـة بعيـر
مـن يومهـا متوثقيـن الحبـالـي

منهاجنـا واضـح ولا فيـه تغييـر
نمـوت مانرضـى عليـه البدالـي

مااستعمرونا اللي غذاهـم خنازيـر
تشهد لنا شهـب السنيـن الخوالـي

من قبل عاشر جد أبو بوش وبليـر
ماهي ثـلاث شهـور وإلا حوالـي

واليوم في وقت الرخـاء والتياسيـر
شفنـا العجـب لاوالله إلا الهبالـي

ياكثـر ماقامـت تسـوق المقاديـر
وياشيب عيني لاذكـرت وطرالـي

المسجد اللي هزه أصـوات تفجيـر
في حـزةٍ فيهـا يجـاب السوألـي

والمسلم اللي ذبح مـن دون تبريـر
ودم الرضيع اللي على الوجه سالي

ينشدك يامكفر هـل الديـن تكفيـر
وش حكم ذبح المسلمين العزالـي ؟

تدبـر القـرآن والـهـدي تدبـيـر
وأخذ الجواب بصيغتـه والكمالـي

فضحكـم الله يالوجيـه المغابـيـر
ياطغمـة التخريـب والإنحـلالـي

واللي على الفتنـة تـدق المزاميـر
نعرف مطامعهم علـى كـل حالـي

ونعرف من يدفع رسـوم الفواتيـر
يالحية اللـي جحرهـا الإحتلالـي

لنحورهم حنـا سـوات الأزاريـر
حنا حمـاة الديـن ياهـل الظلالـي

الأرض نزرعها رمـاح ومساميـر
يحـرم عليهـم وطيهـا بالنعـالـي

ديارنـا ماهـي بكابـل وكشمـيـر
ياهمـلالـي صــدق ياهمـلالـي

حامينها الأجـداد عـج ومعاصيـر
بسيوفهـم علـى ظهـور الجمالـي

واليـوم ياسلطـان شفهـم طوابيـر
ملوا من المجلاس تحـت الظلالـي

يبـون يـومٍ فيـه للحـق تكبـيـر
عـن الكـلام تبـان فيـه الفعالـي

ياسيدي قل وش تبي بـس ويصيـر
حدد هدف لوهـو عسيـر المنالـي

فالجـو نفاثـة وفالقـاع جنـزيـر
وأن مت هاك اليوم من طيب فالـي

هـذا وطنـا ماسكـنـاه تهجـيـر
الجيـش واحـد ماجمعنـا الحثالـي

لو ينتخي عرعـر تلبيـه خرخيـر
كل الجنوب يصير جنـب الشمالـي

لا يـاوطـن لاتحسبـنـا مدابـيـر
لو الدهر في بعض الأحيـان مالـي

طالبك لاتجفل مـن الوقـت وتذيـر
وكلـنـا أبـنـاك وبالله الأتكـالـي

وأن كان ماشفت السعـد والتباشيـر
عيـبٍ عليـنـا لبسـنـا للبـدالـي

نذرٍ علىّ لاحرسك وأفديـك وأغيـر
ديني وعرضي فيك وأغلى حلالـي

واللـي يأثـر فيـك بأيـات تأثيـر
أبرى منه لو كـان عمـي وخالـي

وأن مت واخذتني صروف المقادير
والله لاوصي فيـك حتـى عيالـي




مع تحيات ابو عبدالله
الرجوع الى أعلى الصفحة اذهب الى الأسفل
ابو الوليد المضياني
ابو الوليد المضياني


المدير العام

المدير العام
معلوماتاضافية
رقم العضويه : 1
ذكر
عدد المساهمات : 506
تاريخ التسجيل : 02/08/2011
العمل/الترفيه : طالب ثانوي

قصيدة الشاعر الملازم (مشعل الحارثي) Empty
https://abuwalue.yoo7.com
مُساهمةموضوع: رد: قصيدة الشاعر الملازم (مشعل الحارثي)   قصيدة الشاعر الملازم (مشعل الحارثي) I_icon_minitimeالأحد ديسمبر 04, 2011 3:33 pm

يعطيك العافيه او عبدالله
الرجوع الى أعلى الصفحة اذهب الى الأسفل
 

قصيدة الشاعر الملازم (مشعل الحارثي)

استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1

 مواضيع مماثلة

-
» قصيدة الشاعر خلف المشعان (من طاح من عينك ومن فيه ما طاح)
» قصيدة الشاعر ياسر التويجري
» قصيدة الشاعر ياسر التويجري
» قصيدة الشاعر حامد زيد(قرم وفقير)
» قصيدة الشاعر عبدالله بن عبار (الجــــــــــــمــــــــــــــس)

صلاحيات هذا المنتدى:لاتستطيع الرد على المواضيع في هذا المنتدى
منتديات قمه الجبل  :: قمة المنتديات الادبيه :: شيلات وقصائد-